Kouplè 1
Jezikri se sèl esperans, Se li sèl ki bay asirans, Li se soutyen m li se fòs mwen E mwen p ap rete nan chemen
Kè
Jezi se ou ki delivre m; Se ou, Sovè m, k ape kenbe m (2 fwa)
Kouplè 2
Okenn lòt plas pa ka kache m, Okenn lòt non p ap delivre m, Moun ki chwazi lòt direksyon, Soufri, peri san jwenn padon.
Kouplè 3
Men lè tout bagay vle sonbre Mwen gade Jezi mwen kanpe. Lè kouraj mwen ta vle febli Mwen jwenn sekou nan prezans li
Kouplè 4
Malgre lanmò gen pou vini Sa pa vle di lavi m fini, Avèk Jezi pa gen lanmò Se fèmen je louvri l lòt bò.