Kouplè 1
Senyè, anyen m pa ka ba ou Sèl yon kè ki bouke soufri, E san ou mwen pa ka geri, Mizè mwen devan ou.
Kè
Pran mwen jan ou wè m nan, San fòs e san soutyen, Jan ou wè m nan (2 fwa) O Jezi, gran frè mwen
Kouplè 2
Mwen pa toujou obeyi ou, Peche kouvri m latètopye Lè pou m prezante devan ou Peche sèlman m pote.
Kouplè 3
Mwen fèb nan kè, mwen fèb nan chè, Pou m reziste devan satan; O Senyè mwen, mwen fèb tout tan M ap rele: ban m limyè
Kouplè 4
San w ki koule a pirifye m, Sentespri ou va konsole m, Richès ou yo va anrichi m Men mwen! Vini sove m.