Kouplè 1
N ap chante Wa a ki gen pou vini, Glwa pou Jezi, mouton an ki mouri Pou ofri tout moun delivrans, lavi. Tout pèp va kontan lè Jezi va Wa!
Kè
Vini chante: Glwa pou Jezi, Alelouya, glwa pou Jezi! Nou ki moun pa Jezi, sa se chan nou: Tout glwa pou Jezi se li ki Wa nou.
Kouplè 2
Pèp yo va rete nan bèl limyè li, Tout moun va ansanm, wi yo va ini. Se laverite ki va etabli. P ap gen lenjistis, lè Jezi va Wa !
Kouplè 3
Tout bagay va bon nan wayòm Kris li, Kot libète ak sajès pral vini. Tout lènmi nou yo va tounen zanmi. Tout zam mete ba lè Jezi va Wa.
Kouplè 4
Tout moun va mache nan pisans Lespri. Dout p ap ka twouble moun ki nan Jezi. Nou pa pè lanfè, fòs lanmò fini, Lanmou toupatou, lè Jezi va Wa.
Kouplè 5
N ap lapriyè pou Wayòm Kris vini. Bondye, fè li vini vit pou ou detwi Tout move bagay, pou nou kapab di: Rèy Satan kaba, se Jezi ki Wa.